政府喺早兩年就話要翻新部分舊碼頭，發展局局長黃偉綸尋日喺網誌重提改善碼頭計劃，話若果立法會可以喺今年內批准撥款，首個項目重建碼頭嘅工程最快年底就可展開。話時話，依家財委會嘅議程塞晒車，當中仲包括備受爭議嘅「明日大嶼」填海計劃嘅前期研究撥款，肯定有排傾，黃偉綸想喺今年內獲批碼頭撥款根本太過樂觀嘞！再講，若果佢放棄明日大嶼嘅撥款，或者有轉機喎，咁佢又肯唔肯呢？
