外界不斷批評政府漠視年輕人嘅住屋問題，有一項調查結果發現，受訪者認為政府對年輕人住屋嘅支援不足，亦有受訪青年話考慮共居，有團體就建議當局協助運用現有嘅社會資源發展共居，為青年提供可負擔嘅單位。話時話，公營房屋嚴重短缺，好多蝸居喺劏房嘅基層都未上到樓，搞過渡性房屋又龜速，仲搵運輸及房屋局局長陳帆搞共居，睇怕都係搞到一鑊粥！
