政情：公民講場：「包」藏禍心 市民憂增垃圾費 黃錦星無諗過計

超市嘅蔬果過度包裝嘅問題好嚴重，尋日又有環團公布相關嘅調查結果，又擔心包裝蔬果變相逼市民「貼錢買垃圾」，將來勢增加垃圾費，批評政府遲遲未落實立法限制過度包裝添！話時話，呢啲蔬果嘅包裝隨時變咗家居垃圾，事關政府計劃實施垃圾徵費，但係唔少環團都要求政府立法規管過度包裝，但環境局局長黃錦星就踢極唔郁，依家生活艱難，仲要市民畀多啲垃圾費，實在好離譜。