政情：公民講場：社會動亂 派糖難救 陳茂波「新瓶舊酒」

《逃犯條例》修訂引發連串風波，不過政府似乎就想「政治問題，經濟解決」，皆因財政司司長陳茂波前日就提出咗連串「派糖」措施。不過，外界嘅反應似乎彈多過讚，其中香港中小型企業聯合會就指出，市民依家係消費意欲低，所以「派糖」無助業界面對經營困難，仲大鬧政府搞錯協助對象，紓緩唔到目前最受打擊嘅零售業同旅遊業困境。而另一邊廂，就有學者批評陳嘅措施只係「新瓶舊酒」，遠不如全民派八千蚊實際。政府政治問題搞唔掂，連出銀彈「派糖」都一樣碰壁，想為修例風波拆彈睇嚟都冇咁易喇。