公立醫院醫護人員嚴重短缺，做到爆煲。為咗紓緩醫護荒，醫管局喺呢幾個月都有遞交非本地培訓醫生嘅申請畀醫委會，以有限度執業註冊形式喺公院服務，而最新嗰批有七個申請，夾埋之前嘅遞交同獲評定嘅申請都唔夠三十個，仲係未全部可以喺公院服務。咁少數目點救到火呀，咪又係十個煲得三個蓋，雖然醫管局主席梁智仁都急如鍋上螞蟻，但都要快手搵多啲醫生，醫委會評核又加快啲喇！
