政情：免香港攬炒 陳健波籲市民勿「鵪鶉」
《逃犯條例》修訂風波愈演愈烈，政府出嚟回應時都多次大打「經濟牌」，指持續示威對本港經濟造成重大影響。立法會保險界議員陳健波尋日都拍咗一條長近兩分鐘嘅短片，形容示威者時至今日係想「攬炒」，破壞幾代人建立嘅安定生活環境，所以呼籲「鵪鶉」咗好耐嘅市民多啲發聲，唔好繼續沉默。
陳分析，目前有三種人有意或無意咁想令香港「攬炒」，一係受外國勢力保障同安排生活嘅人，二係被「毒媒」、老師、同輩挑動嘅人，三係和平遊行人士，不過就被騎劫，終成為「攬炒」嘅幫兇。
遇不合理阻礙表達意見
陳建議市民要多啲發聲，例如喺公共交通工具上見到有不合理阻礙時，就同示威者講：「你有你嘅自由，但你嘅自由唔可以影響我嘅自由。」仲提醒市民唔好動手，唔好講粗口，一定要講道理先得，而見到記者時，亦都可以勇於表達自己意見，等傳媒可以報道雙方意見，唔好側埋一邊咁話。