近排香港「立立亂」，旅遊業受好大衝擊，令暑假呢個「旺季」變「寒冬」。有工會做嘅問卷調查結果發現幾乎全部旅遊業從業員收入大幅下跌，當中逾一成更加係「零收入」，部分人陷入經濟崩潰邊緣，團體認為政府絕對唔能夠坐視不理，由得業界「自生自滅」。商務及經濟發展局局長邱騰華快啲諗計救亡，唔知經常外訪嘅佢有冇順便向外國推銷香港，重振香港嘅旅遊業呢？
