政情:今日你上鏡:楊全盛入院做手術 攞正牌放幾日假

香港電競總會會長楊全盛(Eric)前日喺社交網站上載咗張喺醫院嘅相,隻手仲要攞住本小冊子,上面寫住「接受手術一般注意事項」,睇嚟係要做手術嘞!佢仲貼文話「今次仲唔攞正牌放幾日假?」睇佢語氣咁輕鬆,應該都唔係大病嘅。Eric回覆話,尋日做手術,但唔嚴重,只係要做腸鏡同補裂縫。有裂縫?真係聽落都令人覺得心驚驚呀!不過,佢尋晚再貼文報平安,仲影咗張舉起手指公嘅相,話自己麻醉藥過咗,好快可以放番出嚟啦!咁快出得院,睇嚟真係唔太嚴重,希望佢早日康復啦!

(互聯網)

第一手消息請下載on.cc東網iPhone/iPad/Android/Windows Phone Apps