近年迷上健身嘅立法會議員張國鈞，最近經常練習對牆拍波，佢話想練習手腳協調，防止老人癡呆喎！咁講法，唔通佢有初發嘅徵兆？佢就話都係預防啫，好似啲年輕女士都會飲奶粉防止骨質疏鬆咁，其實要連續拍到好多下都唔容易，如果拍一下數一個議員名，佢應該數得晒所有議員，大讚咁樣玩都幾減壓。講開健身，好多男士都會飲奶粉練大隻，但佢就話唔想做大隻仔，所以一直冇飲，形容自己係「純天然，全organic（有機）」喎。
