外界不斷批評政府疏於監管安老院舍，然而勞福局局長羅致光尋日話社署成立牌照及規管科，喺過去三年因違規被定罪嘅個案有所增加，仲讚揚有成效添，但就冇講到呢啲個案嘅判罰，阻嚇力存疑。老實講，申訴專員公署舊年發表調查報告，狠批社署監管不足，變相縱容質素欠佳嘅院舍繼續營運，可能係踢先郁，當局先加強巡查，羅致光竟然唔認真反省，仲喺度自吹自擂，認真厚面皮呀！
