逾半區議員反對
元朗區議會秘書處尋日向全體區議會發通告，區議會喺七月三十日邀請各區議員以傳閱方法表示係咪同意召開特別會議，而秘書處喺指定時間內，共收到三十五名區議員嘅書面回覆，當中逾半數區議員不同意召開特別會議，根據會議常規有關規定，由於未獲絕對多數，即超過半數嘅區議員同意，故有關建議不獲通過。
事緣七月二十一日喺元朗西鐵站內，發生白衣人士同反對修訂《逃犯條例》示威者衝突，更喺車廂內發生打鬥造成多人受傷，其後喺七月二十七日嘅「光復元朗」遊行，亦演變為肢體衝突，故多名泛民議員要求召開特別會議討論。