有一日阿心在茶水間看見阿光，上前問道：「阿光，你隻水杯好大隻喎！」阿光回答：「係呀，我前排上網睇到有人話如果飲水量不足可能影響健康，例如引起尿道炎。我哋由細到大都聽講要『每日飲八杯水』，所以我打算用隻大啲嘅水杯，確保自己每日一定飲到足夠嘅水。」
阿心說：「其實大家所講的『每日飲八杯水』，只是一個參考準則，實際上每日需要攝取的水量因人而異，要視乎不同的因素，例如活動量、氣溫、濕度、性別、年齡等。對於本身有健康問題例如腎臟功能衰退的人士，飲過多的水反而會損害健康。當然，我哋都要保持身體有充足水分，如果消耗大量水分又未能及時補充，有機會減慢新陳代謝，嚴重會造成虛脫，甚至有性命危險！」
阿光恍然大悟：「我明白喇！不過我哋係唔係一定要直接飲水先補充到水分呢？」阿心回答：「攝取水分可以透過直接飲用，亦可以從食物中的水分吸收。飲品例如果汁、咖啡都可以，不過攝取過多嘅糖分、咖啡因會有損健康，所以一般飲清水比較好。但對於高運動量人士，身體流失大量汗水，就應該飲適量含有電解質飲品補充番。」
阿光再問：「仲有冇其他嘢要留意？」阿心回答：「飲水唔應該一次過飲大量，應該着小量、多次同埋緩慢地飲，亦都唔需要等到口渴先至飲水。」阿光說：「多謝你幫我解開多年嚟『每日飲八杯水』嘅迷思！」
職業安全健康局
www.oshc.org.hk