政府喺政治議題搞唔掂，各政黨就要政府搞民生，繼新民黨向財政司司長陳茂波（波叔）要求全民派八千蚊之後，其他政黨都打庫房夾萬嘅主意，要求波叔開水喉，提高福利開支，例如綜援出雙糧、免公屋租金、免電費同畀書簿津貼等等。老實講，依家經濟咁差，通脹又高，啲政黨都係想撬庫房嘅夾萬，要政府開倉派米，紓解民困，所以起勢咁交波，而喺依家民怨沸騰底下，波叔咪使旨意唔接波，睇怕都要硬食嘞！
