政府成日話冇地建屋，公屋供應量又低於預期，輪候冊條隊就愈排愈長。有團體尋日去房委會請願，要求當局增加過渡房屋措施，紓緩本港住房不足嘅困境，仲話政府要諗辦法追番三年上樓嘅承諾。老實講，平均上樓嘅時間愈嚟愈長，依家已經要等五年半，外界更預測好快就突破六年，試問運輸及房屋局局長陳帆點追？之但係佢唔追，市民就追瘦佢，佢都係戙高床板諗吓有乜招數喇！
