政情：今日你上鏡：馮檢基去動漫節 搵超級英雄影相
一年一度香港動漫電玩節今日（30日）閉幕，呢段時間吸引咗唔少動漫迷入場，就連前立法會議員馮檢基都走埋入場周圍搵人合照，玩得好開心喎！
網友讚拎道具有型
唔少人去動漫節都會以Cosplay （角色扮演）形式打扮成鍾意嘅角色入場，而馮檢基入場就同佢落區嘅打扮完全冇分別，當然係冇玩Cosplay喇。不過，佢依然好投入咁去同超級英雄合照，仲貪玩到右手戴上手套，左手緊握盾牌影相，成功博取網友讚佢有型。
唔知佢係咪有備而來，一早練定擺甫士呢？馮又提到，要做好角色扮演並唔容易，因為要識道具、化妝、服裝等，睇嚟佢都好有研究喎。