受內地非洲豬瘟疫情影響，供港活豬數量減少，豬肉都已經貴咗好耐，而檔販都呻咗好耐，不過，食物及衞生局局長陳肇始尋日回應事件，只係話已經加強同內地溝通，希望業界理解內地活豬供應量亦減少，相信情況不會持續，冀供應量盡快回復正常。講真嗰句，諗咁耐先諗到豬肉供應少咗嘅原因係內地本身活豬供應都減少，但完全冇提供實質嘅解決方法，淨係話傾緊，唔知陳肇始係咪以為傾多陣，啲豬就會突然從天而降呢？
