西九文化區內演藝綜合劇場同綜合地庫項目地盤出現地陷，地下水淹浸整個地盤，令到附近地面更出現裂縫，有立法會議員更批評西九文化區管理局冇清楚交代事件添！老實講，喺舊年九月管理局自爆嗰度有鋼管樁牆出現滲漏，要即時做補救措施，搞到要延遲竣工，既然已有前科，西九行政總裁栢志高竟然冇睇緊工程滲水問題，擺明係疏忽，孭硬呢隻鑊，遲啲肯定畀立法會照肺。
