選管會尋日公布遺失選民登記冊（失冊）嘅調查報告，結果係因為事隔多時同缺乏直接證據，未能確切斷定原因，只係發現當中的程序同安排有不當不善之處，旋即被多名立法會議員炮轟選舉事務處失職同知情不報，必須有人為事件負責。老實講，失冊係好嚴重嘅事，選民嘅個人資料恐被洩露，選管會主席馮驊竟然容許件事瞞報兩年半先被揭發，到最後調查竟然搵唔到真相，好明顯就係馮驊失策，要孭呢隻鑊嘅肯定係佢喇！
