非洲豬瘟肆虐，搞到內地供港豬隻數量不斷下跌，變相豬價被抬高，已經去到逾四千蚊一擔嘅歷史高位，不過食物及衞生局局長陳肇始就似乎懶理一眾豬商嘅死活，面對非洲豬瘟只係識得銷毀豬隻，連演習都只係「做騷」拎啲豬公仔出嚟，一啲都唔專業，仲完全冇理豬瘟所帶嚟嘅其他後遺症，依家豬價日益上漲，業界卻屠宰豬隻量就被迫大減，嚴重入不敷支，就連豬肉檔都怕趕客唔敢加太多價，被迫蝕住做。唔知陳肇始會唔會又拎隻豬公仔出嚟做吓騷，就當自己做咗嘢呢？
