港大醫學院嘅研究發現港人疑似抑鬱症嘅患病率，喺修例風波發生期間趨升，而院長梁卓偉形容當年沙士都可研究疫苗去醫，但係精神疾病係冇疫苗可以醫到，建議政府要多聆聽年輕人意見。其實，梁卓偉做過前特首辦主任同食衞局副局長，好清楚官場嘅運作，而修例風波搞到社會撕裂，佢講到好似冇藥可救咁，搞成咁，都係政務司司長張建宗搞青年工作做到一鑊泡所致，張建宗再唔對症下藥，社會只會愈嚟愈亂，到時政府就真係冇藥可救嘞！
