政情：回想AL放榜 陳沛然仲震緊
日前DSE放榜，好多考生都緊張，亦有唔少政商界名人為學生打氣，而立法會醫學界議員陳沛然（Pierre）就回想起當年AL（高級程度會考）放榜嘅經歷！
Pierre喺Facebook貼文，回想起那些年，AL放榜嗰日，佢遲遲都唔出門口返學，唔敢返學校攞成績單，放榜嘅壓力係超級大嘅，而喺依家想起身體都喺度顫抖。因為咁，所以感同身受，因為佢試過，亦都明白。咁作為家長點做呢？佢就話畀年輕人多一啲空間，少說話，多聆聽，陪伴着就得嘞！
勢估唔到，隔咗咁多年，佢仲有咁深嘅感受，而佢啲網友亦有同感，話當時徹夜未眠，亦有網友話攞AL成績時，心情有點不安，但因為佢嘅成績較為極端，但回頭看，都係小事罷了。
網友留言年輕人唔識AL
之不過，佢哋講咗咁多有關AL放榜嘅心情，有幾多年輕人會感同身受？有網友就留言「依家佢哋已經考完DSE，年輕人唔知道咩係AL喇」。年輕人都唔知AL係乜，咁又點會體會到佢哋嘅感受吖！