政情：八網難逃：龐愛蘭原來係候選港姐契媽

覺得契女美貌與智慧兼備

Scarlett日前喺Facebook上載咗一張合照，坐喺佢旁邊嗰個女仔熟口熟面，睇真啲咪就係打入香港小姐十五強嘅其中一員、十九歲嘅謝采芝（Fefe）囉！咁同Scarlett有乜關係呢？原來Fefe係Scarlett嘅契女呀！

佢喺貼文中仲為契女打氣，話希望佢能夠享受整個過程，認識多啲大學以外嘅朋友，盡情發揮同學習，又爆料話回想十多年前已認為契女有香港小姐嘅氣質，美貌與智慧兼備，有愛又充滿正能量！

其實，二○一五年嘅港姐亞軍龐卓欣（Ada）係Scarlett嘅姪女，呢個「港姐姑姐」會唔會做埋「港姐契媽」，咁要睇吓Fefe嘅表現嘞！大家就要拭目以待喇！