政情：八網難逃：劉聖雪古怪甫士勉考生
新民黨「小花」、喺該黨擔任社區主任嘅劉聖雪（Dana）早前喺黨慶擘腿表演，已經顯出功架，喺中學文憑試（DSE）放榜之際，佢又再出招，喺社交平台上載咗一張單腳站立，擺出古怪甫士嘅照片，認真趣怪。
Dana貼文話，希望各位DSE同學仔們保持平常心，無論成績如何，喺未來時間探索一條屬於自己嘅路，勇敢追隨夢想，以後喺唔同崗位一齊為香港穩步發展出一分力。老實講，佢呢個貼文似乎就有啲圖文不符喇，但立法會議員容海恩老公袁彌昌，同立法會勞工界議員陸頌雄都有讚好其貼文。
網友嘲係奀皮女
唔少網友都有留言，有人話Dana係奀皮女，又有人話Dana呢個姿勢係集功夫與舞蹈於一身，亦有人問呢招究竟叫乜嘢名堂，真係Dana自己先知喇！