喺修訂《逃犯條例》引起軒然大波後，政府話要加強各界溝通，而包括政務司司長張建宗同發展局局長黃偉綸等多名司局長尋日齊齊變身鍵盤戰士，寫網誌話配合政府新施政作風，多啲接觸年輕人，了解佢哋嘅需要，又話同市民重新出發。話時話，溝通都唔係依家先做喇，再講溝通係要面對面，齋寫網誌根本睇唔到班高官有幾大誠意，打網絡戰根本行唔通。
