港鐵今年三月喺荃灣線測試新信號系統期間，發生列車相撞事故，港鐵同機電工程署近日先後公布調查報告，其中機電署嘅報告話港鐵委聘嘅顧問早已發現系統有缺陷，但港鐵冇即時暫停測試。運輸及房屋局局長陳帆尋日就話，機電署做嘅係技術事故調查報告，唔係針對責任方面嘅研究，希望港鐵日後做好改善工作，確保安全運作下才做有關測試。講真嗰句，運房局以往已經被批評對港鐵工程監管不足，今次報告竟然冇針對責任問題，如果唔問責，做嚟做咩呢？唔通啲官員慣咗唔使問責嘅？
