舊年超強颱風「山竹」襲港，造成大量樹木倒塌，揭露政府種樹無方。事隔大半年，有樹木專家話樹根生長空間狹窄，形容樹木「住喺劏房咁」，大鬧政府無吸取教訓。仲記得當時發展局局長黃偉綸急急補鑊，既推出《街道選樹指南》，介紹喺街道上選擇種植樹種嘅考慮，又話部門喺植樹前會檢視擴大現有樹槽嘅可行性，兼且研究連接行人路下面嘅土壤空間，但依家情況完全冇改善，證明佢只係廢噏，根本冇做過嘢喇！
