政情：八網難逃：龐愛蘭生日收菠蘿

話說Scarlett日前喺Facebook上載咗好多菠蘿嘅相，原來係佢細妹速遞咗自家種嘅菠蘿送畀佢作生日禮物。佢話「太感動了！妹妹送來最有創意、最有心機（差不多兩年）和最最新鮮的有機水果作生日禮物，其中一個今晚剛好食咗」，佢仲大讚菠蘿又甜又多汁。

上網學種 食完再食

既然可以自家種菠蘿，佢亦想延續菠蘿嘅生命，即係點樣用菠蘿頭再種菠蘿，咁就可以食完又再食嘞！佢話雖然係棵植物，都係要珍惜生命，於是上網學點種，又話其實種菠蘿係好容易，但要好長時間。

有網友見到呢啲相同貼文，即刻食指大動，仲話要去超市買個砌好嘅菠蘿返屋企慢慢享受。通常菠蘿都係浸完鹽水先食嘅，但有網友教路話可以嘗試蘸生抽，而Scarlett就話會好食喎。係咪o架？