政情：八網難逃：葛兆源獲囝囝送無價波衫

為人父母，收到仔女送嘅禮物，即使唔係好貴重嘅嘢，都會甜到入心。元朗區議員劉桂容同荃灣區議員葛兆源嘅囝囝亦都好識氹人，事關佢哋兩公婆日前就喺社交網站分享同囝囝嘅合照，同埋囝囝送畀爸爸葛兆源嘅「無價波衫」。呢件「波衫」有乜嘢咁特別呢？咪就係由囝囝用紙張製作o架囉！兒子仲將件「波衫」塗上紅色，又寫咗個「1」字同埋葛兆源個名，唔通囝囝係想讚葛兆源係「NO.1」嘅好爸爸？