中環出更：歷三次反修逃犯例遊行集會 漢奸黎又同高達李漢奸攪局
經歷三次反對修訂《逃犯條例》嘅遊行集會後，壹傳媒黎智英（漢奸黎）前晚又同民主派密會攪局，當中包括喺違法佔領行動案中被判囚八個月、緩刑兩年嘅民主黨（白鴿黨）前主席李永達（高達），佢喺近個半月以來已經同漢奸黎密會至少七次，認真頻密。依家反修例餘波未了，唔知漢奸黎佢哋今次見面，係咪又喺度諗計搞亂檔呢？
漢奸黎前日下午約四時返回位於何文田嘅寓所，其七人車於晚上約七時直駛入寓所大門，一眾民主派人士落車，包括高達、有「李漢奸」之稱嘅白鴿黨創黨主席李柱銘、該黨前主席何俊仁（AV仁）同現任立法會議員林卓廷，另外仲有喺二○一四年被踢爆一度將漢奸黎嘅秘密捐款「袋住先」長達九個月，而未有向立法會申報嘅工黨立法會前議員李卓人。
密會兩個半鐘始散席
眾人密會約兩個半小時後先至散席，並登上七人車離開黎宅，漢奸黎仲親自出門送客。佢喺大門外大聲同佢哋講「拜拜」，又叫佢哋慢慢行，之後七人車就駛離黎宅，車內各人都笑晒口咁。幾分鐘後，高達、林卓廷同李卓人喺旺角警署落車，李漢奸同AV仁就繼續乘坐七人車返回港島嘅寓所。被問及同漢奸黎會面有乜嘢傾、有冇傾過修訂《逃犯條例》時，李卓人就笑而不答。
近個半月以來，高達同漢奸黎已密會最少七次，對上一次就係喺六四前夕。而上周日（9日）民主派發起反修例遊行，當日有「搞事四人幫」之稱嘅漢奸黎、李漢奸、「民主阿婆」前政務司司長陳方安生，同天主教香港教區退休主教陳日君就齊齊現身，漢奸黎當日更喺遊行隊伍嘅隊頭扮晒指揮咁，沿途指指點點。
經歷咗上周三（12日）反修例集會演變成暴力衝突，同埋本周日（16日）嘅遊行後，政府已宣布暫緩修例，特首林鄭月娥同保安局局長李家超近日亦先後就事件向公眾道歉，但民主派依然喺度窮追猛打，今次漢奸黎同高達等人又再密會，唔知又想搞啲咩喇？
卓妮