阿芬午餐後正想將外賣飯盒掉進垃圾桶，小明喝止她：「唔好咁樣掉呀！咁會助長老鼠繁殖！」阿芬有點不以為意：「有無咁誇張呀？」小明答：「你唔知最近又有三宗人類感染大鼠戊型肝炎個案咩？」阿芬質疑：「究竟大鼠戊型肝炎係咩呢？」
小明解釋：「齧齒動物（如老鼠）可以直接或間接傳播多種疾病給人類，大鼠戊型肝炎就係其中一種經由老鼠傳染給人的疾病。雖然戊型肝炎是可治愈的疾病，但如果高危人士，例如有嚴重長期病患的長者、懷孕婦女和慢性肝病患者，感染大鼠戊型肝炎可能出現嚴重病情。」
阿芬又問：「咁係點樣傳染人？」小明回答：「有關當局暫時仍未能確定感染源頭及途徑，但以往常見引起人類感染的戊型肝炎病毒主要是透過糞口途徑。」阿芬疑惑地問：「糞口途徑？」小明再解釋：「糞口途徑即係病毒隨老鼠糞便及尿液排出體外，如果過程中污染咗食物、水源或飲料，其他人食用這些東西便有機會染病。」阿芬大驚地問：「嘩！咁要點預防呢？」
小明答：「要預防就要從公共衞生、個人、環境和食物衞生着手，防控鼠患，以防出現更多大鼠戊型肝炎感染個案。日常生活中注意食住行，要斷絕老鼠的食物來源（食）、清除老鼠的藏匿點（住）及堵塞老鼠來往的通道（行）。例如廚餘應掉入有蓋垃圾桶，頭先我叫你唔好掉個飯盒係因為呢個垃圾桶無蓋，老鼠有機會爬入去搵到食物，咁你咪即係為老鼠提供食物囉。」阿芬點頭說：「明白晒，以後唔會o架啦。」
職業安全健康局
www.oshc.org.hk