政府推「起動九龍東」咁耐，但區內人車依舊逼爆，唔單止貫穿九龍東核心商業區嘅架空單軌列車冇影，就連政府早年提出以免補地價起天橋，申請宗數少兼且冇動工迹象，當區嘅區議員擔心人口增加，變成更擠迫，鬧爆發展局規劃失當。老實講，起動九龍東動不起來，單軌列車拖足十二年都未起，當局不斷研究又研究，發展局局長黃偉綸擺明係拖字訣，眼見起動變咗癱瘓交通，地區人士當然火都嚟，黃偉綸唔係仲想拖呀？
