《逃犯條例》修訂搞到社會咁大爭議，就算特首林鄭月娥近日宣布暫緩修例，但仍未平息民怨，好多人叫佢下台。如果林鄭真係下台，即係代表政務司司長張建宗隨時要做住署理特首一段時間先。張建宗平日淨係識講「有得打呔（返工）就興奮」等懶勤力嘅說話，冇乜特別政績可言，依家都係搞緊兒童事務委員會同青年發展委員會之類，真係政治BB班都未畢到業，日後若果要正式處理香港嘅房屋、交通、醫療等問題，唔知係咪好似玩積木咁兒戲啦！
