政情：袁炳恆做善事醫好抑鬱
好多人話做善事可以助人自助，藝恆愛心行動主席袁炳恆（David）早前出席一個活動時講起，自己六年前曾患上嚴重抑鬱症，每日要食十五粒藥，後來有朋友鼓勵佢搞慈善機構，佢喺服務基層時，發現自己嘅事好微不足道，結果有助佢克服病情，慢慢逐粒藥減少，三年前完全好番晒添！
David話，其實當年喺土瓜灣見到基層長者執紙皮都唔攞政府援助，有次喺連鎖快餐店食早餐時，又見到有個五十幾歲嘅中年人，食人哋食剩既嘢，結果被趕走。覺得啲基層好慘，想盡力幫多啲佢哋，於是開始搞慈善機構。
佢又話，雖然香港好似好繁華，其實貧富懸殊同人口老化都好嚴重，希望日後可以申請多啲資助，再發展多啲長者服務咁話。