夏天好多時都有蛇蟲鼠蟻出沒，近排食物環境衞生署喺本港多區展開滅鼠行動，截至本月初仲已經收集同捕獲咗六百幾隻老鼠，不過似乎仲未滅得完，與此同時，依排又熱又落雨，搞到啲白紋伊蚊都好活躍，喺全港五十七個監察地區入面，五月有六個地區嘅指數高於百分之二十嘅警戒水平添，真係令人覺得香港唔多乾淨，作為食物及衞生局局長嘅陳肇始，未捉完老鼠又有白紋伊蚊出現，睇嚟佢再唔搞好啲香港清潔嘅話，就注定畀啲老鼠同害蟲纏身o架喇！
