政府早前宣布將紅花嶺列為郊野公園，預計明年年底開放，呢段期間就由環境局同相關部門做規劃同設計工作，但就話嗰度地勢同空間有限，唔建議市民揸車，建議搭公共交通工具去，但有區議員鬧爆政府，話嗰度好偏僻，交通配套唔完善，要求增設停車場同巴士站等。呢個問題真係兩難，多人去又怕破壞環境，交通配套差自然就少人去，市民又點會知道嗰度嘅生態價值，究竟局長黃錦星係想吸遊人定趕人呢？
