所謂物有相似，人亦有相同，喺日本寫真界周不時都會出現身材同樣貌非常相似嘅女優。最近就有一位優質新人與童顏巨乳系掌門生篠崎愛相似度極高，雖然係縮水版本，但係吸引力隨時有過之而無不及，佢就係川村那月喇。
相信唔少寫真迷同小弟一樣，不時都會懷念一眾經典巨乳寫真妹，好似松金洋子、優香、酒井若菜、井上和香等等，而曾經係童顏巨乳代名詞嘅篠崎愛當然亦令唔少人掛住啦！不過，近年篠崎愛就掛住發歌星夢，寫真作品可謂少之又少，好彩我哋有川村那月，呢位被稱為「縮水版篠崎愛」嘅美人兒。
今年26歲嘅那月樣子俏麗可人，無邪氣嘅純真氣息可以話同篠崎愛相似度達九成九，笑容認真係甜到暈！雖然那月就冇愛妹咁好波，但係上圍亦有睇頭十足嘅F奶，雙腿又夠長夠幼，身材仲比愛妹更修長更纖巧，亦因為咁那月又有「美乳美腳版篠崎愛」之稱。
川村那月喺2017年參加日本環球小姐而嶄露頭角，雖然當時那月未能進身三甲，但係亦奪得「RIZIN獎」以及「美顏獎」，總算係有所交代，同時亦打響名堂。之後，佢就進軍賽車女郎界，成為賽車聯賽SUPER GT 5000嘅賽車女郎，後來成為聯賽嘅專屬車女團體「ZENT sweeties」成員，早前仲因為表現優秀獲日本賽車女郎大獎賽執行委員會頒予特別獎，可以話係新一代嘅賽車女王。
除咗賽車界，那月亦有喺拳壇搵食，不過就唔係打拳，而係做拳賽嘅舉牌女郎。最近那月就正為第二部寫真映像作品《いつかね! 》四出宣傳，睇嚟那月喺寫真界亦一樣積極發圍喎。
簡介：川村那月家陣主要以賽車女郎工作為主，從其社交網當中就可以睇到佢最近又去為邊一場賽車增添可觀性喇。
網址：https://twitter.com/kawamuranatsuki
年齡：26歲
身高：5呎5吋
三圍：35F-23-35
撰文：賢