政情：葉傲冬「返老還童」被笑似細龜

呢排好多政商界名人都玩Snapchat，將自己個樣返老還童，變咗樣之後，有啲就似係多個女或仔，但有人竟然係似細龜。

講緊嘅係邊個？咪係油尖旺區議會主席葉傲冬囉。佢早前喺Facebook上載咗張童顏嘅相，即時令網友起哄，都有網友質疑佢個仔大咗？亦有人話佢係女版冬哥，但更多係話佢似細龜，即係藝人黃一山呀！

另有網友仲嚇咗一跳，叫佢要保持形象好啲喎！但亦有網友強烈要求佢將海報轉用呢張細龜相。既然咁受歡迎，佢又點諗呢？