政情：八網難逃：新手爸爸馮英倫 餵奶有板有眼
新手爸爸湊B會唔會踢晒腳呢？正如發展局局長政治助理馮英倫（Allen）上個月添丁，加入新手爸爸嘅行列，以仁BB過多幾日就滿月嘞，Allen湊B嘅情況又點呢？
全男班親友望到實
Allen早前喺Facebook上載咗張相，仲貼文話「兩個表哥仔嚟探以仁喇」，張相係全男班，個個都望住BB，仲見到Allen揸住奶樽餵BB飲奶添！睇嚟好淡定，有板有眼喎。有網友見到張相，仲讚BB好多頭髮。
其實，Allen早前都講過話第一次做爸爸，唔多唔少都有啲緊張，但佢就話都有信心搞掂，皆因佢同太太一早已經做足功課，睇咗好多教新手父母點樣湊BB嘅資料，又有長輩同親戚朋友畀意見，準備咁充足，難怪可以咁順手喇！