立法會原定尋日朝早十一時召開大會，仲會就《逃犯條例》修訂恢復二讀辯論，但民陣發起包圍立法會行動，大批示威者聚集喺立法會外，主席梁君彥透過秘書處通知議員押後召開會議，直至下晝六點再透過秘書處宣布大會唔會喺尋日舉行。有消息話梁君彥尋日朝早未返到立法會，而泛民議員約佢見面都不得要領，據聞秘書處都話未見過佢，究竟佢全日有冇喺立法會出現過呢？似乎冇人知，唔通佢都怕被示威者包圍，所以匿埋咗？
