政情：去內地開會 李家仁惹罷診疑雲
唱《小明上廣州》爆紅嘅兒科醫生李家仁（小明），平時八足咁多爪，經常呢度去嗰度去，若果有其他要務或會議要開，都會事先喺診所貼出通告，甚至喺Facebook 貼文講低自己幾時唔喺診所，日前佢又喺Facebook只以「haha」回應貼文，話本月十三日，即係今日唔會應診嘞，點知就被網友質疑佢係咪罷診？
可能係因為最近有反逃犯修例嘅團體呼籲罷市、罷課同罷工，所以呢位網友有咁嘅聯想？其實小明都喺通告中寫明今日要去內地開會，唔通呢位網友喺度搞GAG？咁小明係咪罷診呀？佢只喺Facebook只係以「ha ha」作回應，相信佢都係覺得呢位網友諗多咗嘞！
其實，小明唔單止今日唔能夠應診，仲講明下周一至三都唔喺診所，只有職員喺度。