疑兩警扮港鐵職員 中環站巡邏
【本報訊】港島交通受佔領行動影響，港鐵沿線人頭湧湧，網傳兩名警察穿上港鐵職員制服在中環站巡邏，引起網民議論紛紛，指兩人姿勢似足警察「行咇」。港鐵接受查詢時稱，該兩人是港鐵的顧客服務及收益保護隊人員，主要工作是查票，他們昨在港島線車站協助乘客，維持秩序，而隨身攝錄機是他們的裝備，已經引入一段時間。
從網上流傳的照片所見，兩人穿整齊港鐵制服，兩邊頭髮剷青，表情嚴肅，有別於常見的港鐵職員，故不少人懷疑是警察假扮港鐵職員巡邏。
「行咇咁擺手」似職業病
有網民表示，「個feel（感覺）一看就知唔係黃衫人，件衫咁新，又耳機又手放腰，巡邏咁樣」，亦有人指「對手出賣咗佢，職業病，行咇咁擺對手」。有網民更謂，「玩Cosplay、臥底、你唔係外賣仔！」另有網民則獻計，「呢啲情況梗係用普通話狂問嘢，然後叫佢教你用埋部售票機！」、「係時候發洩吓平時壞車加價嘅怨氣！」