政情：公民講場：標準工時唔立法 研究過勞都係拖

勞工及福利局局長羅致光尋日喺網誌再解釋，指世衞將Burnout譯為「工作倦怠」同視為一個「職業現象」，唔係「過勞」，仲死撐話唔排除「過勞」係Burnout嘅成因之一，勞工處已委託職業安全健康局聚焦研究同探討僱員工作時死亡「過勞」同其他原因嘅關係添！其實羅致光喺上任局長冇耐都講過最遲傍晚六點幾就放工返屋企食飯，再睇吓電視，可能佢感覺唔到乜嘢係過勞，就算證實工時長同過勞有關，政府係咪拍板就標準工時立法吖？咪又係得個拖字。