從事藝術工作嘅人，雖然未必擅長每一種藝術，但多數都會對其他藝術有幾分興趣。本身做開家具設計嘅香港工業總會副主席嚴志明早前出席一個活動時，講起佢細個雖然冇學音樂，以前喺英國嘅則樓工作時，有個電台全日都係播古典音樂，自己都好鍾意聽，依家平日都有聽開中樂。音樂無疆界，總之就各適其適喇！
