立法會尋日辯論一個同公務員有關嘅動議，提出動議嘅議員謝偉銓批評公務員唔單止職位錯配，辦公室唔夠，而新入職嘅公務員要由資深公務員帶領，變相增加工作量，仲鬧埋依家部分新政府大樓位處偏遠地區，又冇餐廳，搞到冇啖好食。老實講，呢啲問題唔係今日先爆出嚟，公務員事務局局長羅智光都係公務員體系出身，應該好了解，但並冇解決問題，咁即係搵着公務員嚟搞啫！唔該佢戙高床板檢討吓喇！
