政情：續任市建局行政總監 韋志成：將推動樓宇復修

着力處理市區老化問題

對於續任行政總監，韋志成就話隨着兩項新策略研究──油旺地區研究、樓宇復修策略研究將於年底完成，佢期望為市區更新工作持續推展，帶來更具前瞻性方向同策略，並喺以規劃為主導嘅市區更新新模式，以及推動樓宇復修，特別係預防性樓宇維修保養方面，為舊區制訂綜合而全面嘅市區更新藍圖，處理愈益嚴重嘅市區老化。

發展局局長黃偉綸讚韋志成喺過去三年盡心竭力領導市建局推展各項市區更新工作，而市建局主席周松崗亦指韋志成喺一六年六月出任行政總監後，以卓越嘅領導才能、專業知識同管理經驗，帶領市建局團隊推動同落實多項市區更新工作，有顯著成績。

韋志成係工程師，喺政府服務卅五年，一五年四月退休前係發展局常任秘書長（工務）。