下周三唔單止有修訂《逃犯條例》恢復二讀辯論，仲有傳召律政司司長鄭若驊議案同不信任現屆政府議案等，多個政治意味甚重嘅議案準備展開討論，預計民主派將會無所不用其極拉布，甚至搗亂，企圖拖垮辯論，其中包括狂點人數。
重推「九三共識」
由於二讀辯論規定嘅法定人數較多，需要過半數議員，因此據悉建制派將於下周三起一齊「罰坐」，重推「九三共識」，即係齊人坐足九個字、四十五分鐘，再有三個字、十五分鐘休息去洗手間或食飯，慎防流會。當進入全體委員會階段，法定人數下降，據了解屆時建制派就會出動「編更制」，公平地輪流罰坐嘞！