政府打算斥資二百億元掃物業做福利設施，勞工及福利局尋日交代具體位置時，大埔區就一間新增嘅長者鄰舍中心都冇，就算計埋其他社福設施，大埔都係得四項，同離島雙雙排包尾。其實區區都缺乏福利設施，依家有啲區分得多，有啲區分得少，勞福局局長羅致光計數咁叻，但係呢啲分配嘅準則真係唔知佢點定出嚟，長者得唔到適切嘅服務又點算呢？
