政情：前輩提示黃偉傑 主持區會勿過午夜
今年四月「升呢」做荃灣區議會主席嘅黃偉傑（Marclus），上星期首次主持區議會大會，但就破紀錄搞到夜晚十一點半先可以收工，唔少區議員當晚即刻喺社交網站「打卡」，記錄呢個難忘一刻。Marclus近日喺立法會出席一個活動時講起，事前已經向沙田區議會主席何厚祥請教有咩要注意，對方就提醒佢，記得千祈唔好開會開過十二點，否則啲議程就會作廢o架啦！
議程多先傾耐咗
Marclus話，何厚祥教路，沙田區最高紀錄係開會到夜晚十一時五十九分，皆因會議議程預告只係寫一日，一旦完會時間喺翌日，應該就失去法律效力。問到係咪有嘢甩轆先開咁耐？佢就堅決否認，話當日有兩位署長到訪，又有四個政府議程，包括興建智能停車場，仲有議員議案，大家當然好多嘢傾喇。
Marclus話，何厚祥教路，沙田區最高紀錄係開會到夜晚十一時五十九分，皆因會議議程預告只係寫一日，一旦完會時間喺翌日，應該就失去法律效力。問到係咪有嘢甩轆先開咁耐？佢就堅決否認，話當日有兩位署長到訪，又有四個政府議程，包括興建智能停車場，仲有議員議案，大家當然好多嘢傾喇。
佢解釋，一向政府官員到訪都係由部門通知日期，有時候都會安排特別會議，唔知點解今次會堆埋一齊，笑言經過今次後學精咗，下次會檢視吓會議議程，若果次次都係咁，可能會畀區議員投訴喎！