政情：做長子要接待親戚 高永文焗學潮州話

好鍾意食「鵝乸」

點解講得咁流利？原來佢係「被迫」學嘅，事關佢父母四十幾歲落到嚟香港後，就以講廣東話為主，只係每次有親戚嚟到時先會講潮州話。佢話細個好怕同一啲語言不通嘅親戚打交道，唔少兄弟姊妹一知道啲親戚會嚟都即刻匿埋，因為佢係長子，所以好多時都要幫手接待，變咗一定要面對佢哋，仲自稱係一個「有承擔嘅長子」咁話。

講到鄉下，佢隨即就提到好鍾意食「鵝乸」，原來佢係講緊蠔餅，但佢話香港普遍嘅蠔餅都唔好食，因為多數都落得太多炸粉，整到成個薄餅咁，又乾又硬，所以都係佢媽媽煮嘅最好食，仲話如果想食好食嘅蠔餅，就一定要去潮州。