政情：口頭質詢無人吼 區諾軒撐足全場

課程發展議會被指乏透明度

區諾軒嘅質詢同課程發展議會有關，指有教育界批評議會缺民主成分，運作欠透明度令決定易受質疑，好似近年都有啲倡議受爭議咁話。

另一議員范國威亦有發問，但之後就再無其他議員發問，連教育界議員葉建源都無影，結果就要區諾軒獨力撐起，提問多次。佢質疑議會唔夠透明度，否則唔會出現德育及國民教育科等問題，連通識科都令到好多老師感到憂慮，因為議會討論過程、委任人選、會議紀錄等都唔知喎。今次因無其他人問，而有機會畀佢問得咁深入，對佢嚟講都唔算壞事。

教育局局長楊潤雄就話議會成員名單、議程、會議簡訊都會上載，提供一定資訊。佢強調課程發展過程會有好多諮詢同業界討論，好似過去幾年學界同教育工作者都有機會發表意見同參與，所以未必需要靠公開會議內容喎。